Жазғы мектеп"Білімге құмар"

Бекітемін:

Мектеп директоры _________Зейб Е.В

ЖАЗҒЫ КЕЗЕҢДЕ МЕКТЕПТЕР ЖАНЫНДАҒЫ

«БІЛІМГЕ ҚҰМАР»

МЕКТЕПАЛДЫ ДАЯРЛЫҚ СЫНЫПТАРЫМЕН

ЖҮРГІЗІЛЕНТІН ЖҰМЫС ЖОСПАРЫ

Жауапты тәрбиешілер:

Самет Нургул

Муса Хуанар

2023-2024оқу жылы

Жазғы мектеп білімге құмар мектепалды даярлық сыныптарына арналған жұмысының мақсаты. Балалардың мектепте оқуға ынтасын, зияткерлік, эмоционалдық-еріктік дайындығына ықпал ететін білім беру ортасын құру, бірінші сыныпта табысты бейімделуін қамтамасыз ету.

Міндеттері:

- баланың мектепте оқуына эмоционалды-оң көзқарасты қалыптастыру;

- болашақ меткеп оқушысының тұлғасын қалыптастыру;

- «мектепалды даярлық – бастауыш мектеп» сабақтастық қағидасын сақтау;

Балалармен жұмыстың ерекшеліктері:

- белсенді шығармашылық әрекетке баулу;

- жас және жеке ерекшеліктерді ескеру;

- танымдық әрекетке жағдайлар жасау;

- жағымды эмоционалдық көңіл-күй орнату;

Оқытудың әдістері мен тәсілдері:

Сөздік: әңгіме, әңгімелесу, сену, мақтау, мадақтау.

Көрнекілік: бақылау, түсіндіру, үлгіні көрсету.

Практикалық: жаттығу, ойын әдісі, тапсырманы бірге орындау.

Ұйымдастырылған оқу қызметінің түрлері: ойын сабақтар, дидактикалық ойын, ертегі, зерттеу, саяхат, байқау.

Баланың мектепте оқуға дайындығының көрсеткіштері:

жеке-тұлғалық дайындығы - оқуға ынтасы (мектепке барғысы келеді, оқудың маңыздылығы мен қажеттілігін түсінеді,  жаңа білімді алуға қызығушылық танытады);

зияткерлік дайындығы - білім алуға қызығушылықтың, оң көзқарастың болуы;

әлеуметтік-психологиялық дайындығы – ересектермен және құрбыларымен қарым-қатынас жасай білуі.

Оқу соныңда  күтілетін нәтижелер:

- мектепте өзін ұстау тәртібін сақтау;

- гигиеналық ережені сақтау;

- сурет бойынша әңгіме құрастыру;

- өлеңдерді мәнерлеп оқу;

- әңгімені, ертегіні мазмұндау;

- сөздерді дыбыстық талдау;

- дауысты және дауыссыз дыбыстарды ажырату;

- 10-ға дейін сандар мен цифрларды білу;

- 20-ға дейін санау;

- дәптерді, кітапты, кеңістікті, уақытты бағдарлау;

- қарапайым тапсырмаларды орындау;

- бейнелеу құралдарын қолдану.

 «Білімге құмар» даярлық курсының

ОҚУ ЖОСПАРЫ

Оқыту мерзімі – жаз айлары (қысқа мерзімді дайындық курсы)

«Білімге құмар» дайындық курсының сабақ кестесі

          Оқыту мерзімі - жаз айлары (қысқа мерзімді дайындық курсы)

Күніне өткізілетін сабақ саны - 4

Сабақтың ұзақтығы - 30 мин.

І. КОММУНИКАТИВТІК ДАҒДЫЛАРДЫ ДАМЫТУ

Мақсаты: ауызекі байланыстырып сөйлеуді, сөйлеудің дыбыстық мәдениетін дамыту, сауат ашудың алғышарттарын қалыптастыруды дамыту.

1. Сөйлеуді дамыту

Міндеттері: сөздерге дыбыстық талдау жасауды,  сөйлегенде зат есімдерді, сын есімдерді, үстеулерді, көп мағыналы сөздерді, синонимдер мен антонимдерді қолдануға,  әңгімелесушіні мұқият тыңдап, сұрақтарды дұрыс қоюға және қойылған сұрақтарға қысқаша немесе толық жауап беруге: бақылаулар мен сюжеттік суреттер бойынша әңгімелер құрастыруға, әңгімелерді бірізді айтып беруге, әңгімелесу кезінде өзін мәдениетті, әдепті ұстауға үйрету.

Күнтізбелік - тақырыптық жоспарға үлгі тақырыптар

Сөйлеуді дамыту

Сауат ашу негіздері

Міндеттері:  Әрбір сөздің мағынасы болатыны туралы түсінік қалыптастыру. Сөздерді дыбыстық талдау: сөздегі дыбыстардың ретін, дауысты және дауыссыз дыбыстарды анықтау. Буын туралы ұғымдарды қалыптастыру, сөздерді буындарға бөлу, олардың саны мен ретін анықтау. Буындардан сөздер құрастыруға (ауызша) үйрету. Сөйлем туралы бастапқы түсініктерді қалыптастыру, сөйлем сөздерден тұратынын түсіну.

 Күнтізбелік - тақырыптық жоспарға тақырыптар

Сауат ашу негіздері

3. Қолды жазуға дайындау

Міндеттері: Қолды жазуға дайындау. Жазу кезінде арқаны дұрыс ұстау ережелерімен таныстыру. Жазу парағында бағдарлай білу, жазу жолы мен жоларалық кеңістікті ажырата білуге үйрету. Геометриялық фигуралардың, көкөністер, жеміс-жидектердің дайын суреттерінің сыртын шетке шығармай бастыру, бояу. Әртүрлі бағыттағы тігінен, көлденең, қысқа, ұзын, толқынды, ирек сызықтарды, нүктелерді, тамшы тәрізді пішіндерді олардың арасындағы арақашықтықты сақтап, алдымен үлгі бойынша және кейіннен өз бетінше жазуға мүмкіндік беру.

Күнтізбелік - тақырыптық жоспарға үлгі тақырыптар

Қолды жазуға дайындау

4. Көркем әдебиет

Міндеттері: Балаларды қол жетімді көркем шығармалар мен фольклорға, театр әлеміне баулу, кітапқа деген қызығушылығын дамыту.

      Әдеби шығармаларды эмоционалды қабылдауына ықпал ету, олардың мазмұнын түсіну, себеп-салдарлық байланыстарды, жанрларды (ертегі, әңгіме, өлең) ажырату.

      Шешендікке, сөз өнеріне баулу, санамақ, жаңылтпаш айту, жұмбақ шешу, айтыс өнеріне баулу.

      Сахналық қойылымдарға қатысуға баулу, онда рөлді, сюжетті таңдауда бастамашылық пен дербестік танытуға ынталандыру, белгілі образды сомдауда эксперимент жасауға, түрлендіруге мүмкіндік беру.

Күнтізбелік - тақырыптық жоспарға  тақырыптар

Көркем әдебиет

ІІ. ТАНЫМДЫҚ ЖӘНЕ ЗИЯТКЕРЛІК ДАҒДЫЛАРДЫ ДАМЫТУ

Мақсаты: Мақсаты балалардың қоршаған әлеммен өзара қарым-қатынас жасауына қажетті танымдық және зерттеушілік әрекеттің қарапайым дағдыларын меңгерту, коммуникативтік-танымдық қабілеттерді, математикалық және логикалық ойлауды дамыту болып табылады.

1.Математика  негіздері

Міндеттері:

• танымдық қызығушылықтарын, мектепте оқуға ынтасын арттыру;
•  зейінді, есте сақтауды, бақылауды, талдау жасай білуді, қорытынды жасауды дамыту;
• математикалық және интелектуалды-шығармашылық қабілеттіліктің алғышарттары көрінуіне ықпал ету.

Күнтізбелік - тақырыптық жоспарға үлгі тақырыптар

Математика  негіздері

ІІІ. БАЛАЛАРДЫҢ ШЫҒАРМАШЫЛЫҚ ДАҒДЫЛАРЫН, 

ЗЕРТТЕУ ІС-ӘРЕКЕТІН ДАМЫТУ

Мақсаты: балалардың шығармашылық қабілеттерін дамыту, қиялдауын, қоршаған әлемді бейнелі қабылдауын қалыптастыру, өзінің түсініктерін, ойларын, сезімдерін көркем түрде жеткізе білуге үйрету болып табылады.

1. Сурет салу

Міндеттері:

• балалардың өнер шығармаларын эмоционалды қабылдау қабілетін қалыптастыру;
•  балалардың шығармашылық қабілеттерін, қоршаған ортаны эстетикалық тұрғыдан қабылдауын дамыту;
• қоршаған әлемді эмоционалды тану, өнер түрлері туралы түсінігін қалыптастыру;
• балалардың жеке ерекшеліктері мен қажеттіліктерін ескере отырып, ұлттық мәдениетке баулу арқылы патриотизмді тәрбиелеу үшін жағдай жасау; балалардың түрлі әрекеттерінде қауіпсіздікті сақтау.

Күнтізбелік - тақырыптық жоспарға  тақырыптар

Сурет салу

2.  Мүсіндеу

Міндеттері: Сазбалшық, ермексаз және пластикалық массадан мүсіндеудің ерекшеліктерін білу.

Күнтізбелік - тақырыптық жоспарға  тақырыптар

Мүсіндеу

3. Жапсыру

Міндеттері: Жапсырудың түрлі әдістері (симметриялы, сыңарлы симметриялы, сұлбалы) мен тәсілдерін (тура, қисық қию, ою, флористика элементтерін) қолдану, түрлі материалдардан (қағаз, мата, табиғи материалдар) жапсыру.

Күнтізбелік - тақырыптық жоспарға  тақырыптар

Жапсыру