Өзің болу өнері

«Өзің болу өнері» психологиялық клубының қатысушыларымен кезекті кездесу өтті. Сабақтың негізгі мақсаты – топ мүшелерін бірлікке тәрбиелеу және ұжымда тиімді қарым-қатынас жасау дағдыларын қалыптастыру болды.

Кіріспе тәмсіл мен таңдалған жаттығулар сенімді дамытуға, бірін-бірі тыңдай білуге, командамен жұмыс істеуге және әртүрлі жағдайларда ортақ тіл таба алуға бағытталды. Барлық тапсырмалар практикалық сипатта өтіп, қатысушылардың бірлескен әрекетке белсенді қатысуына ықпал етті.

Сабақ барысында жағымды әрі іскерлік атмосфера қалыптасты. Оқушылар қызығушылық танытып, талқылауларға белсенді қатысып, өз ойларын еркін білдіріп, жеке байқауларымен бөлісті. Жаттығулардың басым бөлігі толық көлемде орындалып, бұл қатысушылардың жоғары деңгейдегі ынтасы мен белсенділігін көрсетті.

Өткізілген кездесу топ ішіндегі өзара қарым-қатынасты нығайтуға, бірлесіп жұмыс істеу дағдыларын дамытуға және ұжымда қолайлы психологиялық ахуал қалыптастыруға ықпал етті.